Bukë, argetë dhe jogurt për Njësinë Speciale në veri, reagon Latifi: E turpshme

Aktuale

Bukë, argetë dhe jogurt për Njësinë Speciale në veri, reagon Latifi: E turpshme

Nga: G.B Më: 21 shtator 2021 Në ora: 15:04
Njësia Speciale

Që nga dje Njësia Speciale po qëndron në veri, për shkak të zbatimit të reciprocitetit të targave.

E sot janë publikuar fotografi të ushqimit të tyre atje, që është bukë, argetë dhe një jogurt.

Pas kësaj ka reaguar Blerim Latifi, i cili këtë e ka quajtur të turpshme, përcjell Bota sot.

Përmes një postimi në Facebook, ai ka treguar se gjatë kohës së luftës ushtarët e UÇK-së ushqeheshin me nga një gjysmë buke, nga një qepë dhe nga një gotë me çaj por që atëherë ishte kohë lufte dhe ushqimi i tillë justifikohej.

Postimi i plotë në Facebook:

"Bukë, argetë dhe një jogurt”, kjo qenka menuja ushqimore për pjesëtarët e Njësisë Speciale në veri. Nuk po dallojka shumë nga ajo e kohës së luftës. Më kujtohet se si në qendrën e grumbullimit të ushtarëve të UÇK-së në Kukës, në mëngjes dhe në darkë, na jepnin nga një qepë, një gjysmë buke dhe një gotë me çaj. Aty ishte një gjerman shtatlartë, i cili protestonte në gjermanisht ndaj asaj diete tmerrësisht të varfër. Atëherë ishte kohë lufte dhe justifikohej ushqimi i keq, por sot është e turpshme që policët më të mirë të Kosovës që po mbrojnë kufirin në veri të ushqehen për faqe të zezë.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat