Basketbollisti më i mirë në Kosovë, Dardan Berisha, me Z Mobile Prishtina, pretendojnë rezultat të favorshëm në Izmir, kundër skuadrës turke Pinar Karsiyaka, ndeshje e xhiros së tretë e Grupit I të FIBA Europe Cup.
Sfida luhet sonte në orën 18.30, kurse për prishtinasit është mjaft e vështirë. Berisha apo alfa e omega e klubit bardhekaltër, tha se do të japin maksimumin. “ E njohim rivalin se është ndër ekipet më të mira jo vetëm në grupin tonë, por ndoshta edhe në krejt ligën. E kanë ekipin komplet, me një buxhet tepër të madh dhe me një publik shumë të zjarrtë.
Pamje nga stërvitja e Prishtinës në Turqi
Këtu kemi ardhur me jap 100% edhe me u mundu me nxjerr rezultat pozitiv”, tha Berisha për gazetën kombëtare “Bota sot”.
Në rast të fitores së Prishtinës, a jeni më afër kualifikimit? “Çfarë rezultati që do të jetë kurrgjë nuk është ende definitive ose e sigurt, kështu që ka ende shumë për t’u luajtur”, përfundoi Berisha.