Kombëtarja e Kosovës sërish mundet nga Sllovakia në Bratisllavë, por kësaj radhe humbja ka qenë më e thellë.
Sllovakët shënojnë fitore me 17 pikë dallim (82:65) ndaj Kosovës, në ndeshjen miqësore, e cila ka qenë shumë e rëndësishme për selektorin tonë Damir Mulaomeroviqin që të shoh formën e basketbollistëve të tij në prag të sfidave kualifikuese për Eurobasket 2021, ndaj Britanisë së Madhe dhe Luksemburgut.
Kjo ishte miqësorja e dytë e Kosovës, që u zhvillua brenda dy ditëve, pasi që të parën e humbi me rezultat më të ngushtë, 85:79.
Brodziansky shënoi 21 pikë për sllovakët, kurse te Kosova Tmusiç realizoi 20 pikë. Sipas faqes së FIBA-s, Dardan Berisha nuk ka pasur asnjë minutë lojë.
