Ibrahimi: Shpresoj se, do të rikthehemi edhe më fuqishëm - Bota Sot
Ibrahimi: Shpresoj se, do të rikthehemi edhe më fuqishëm

Basketboll

Ibrahimi: Shpresoj se, do të rikthehemi edhe më fuqishëm

Më: 29 maj 2020 Në ora: 14:08
Ibrahimi: Shpresoj se, do të rikthehemi edhe më fuqishëm

Situata me pandeminë Covid-19 në Kosovë ka filluar të stabilizohet, derisa shumë shpejt klubet e basketbollit mund të rikthehen në stërvitje.

Trajnerët vazhdimisht kanë bërë thirrje që lojtarët të stërviten në shtëpi, sepse kjo është shumë e rëndësishme për formën e tyre.

Kështu porositi edhe trajneri i ri gjilanas, Laurant Ibrahimi.

“Shpresoj të jeni të gjithë mirë me shëndet. E di se kjo periudhë ka qenë e vështirë për lojtarët, trajnerët dhe basketbollin. Por, edhe këtë sfidë së bashku mund ta kalojmë.

Ju këshilloj që t’iu përmbaheni këshillave të Institutit Kombëtar të Shëndetësisë dhe gjithashtu të ushtroni sa më shumë në shtëpitë e juaja, që të mbani formën tuaj në këtë kohë që na ka mbetur, deri në rikthim. Shpresoj se, do të rikthehemi edhe më fuqishëm në basketbollin tonë të dashur”, deklaroi Ibrahimi për faqen zyrtare të FBK-së.

Shfaq komentet
comments powered by Disqus
Sot mund të lexoni Shfletoni kopertinat