Turqia akuzohet se ka dërguar rreth 4,000 luftëtarë për të ndihmuar Azerbajxhanin

Evropë

Turqia akuzohet se ka dërguar rreth 4,000 luftëtarë për të ndihmuar Azerbajxhanin

Më: 28 shtator 2020 Në ora: 14:40
Foto Ilustrim

Ambasadori i Armenisë në Rusi ka pretenduar se Turqia ka dërguar rreth 4,000 luftëtarë nga Siria veriore në Azerbajxhan dhe se ata po merrnin pjesë në luftime.

Ndërkohë, sipas mediave të huaja, Ministria e jashtme e Armenisë pretendoi se ‘ekspertët ushtarakë turq po luftojnë krah për krah me Azerbajxhanin, të cilët po përdorin armë turke, duke përfshirë edhe aeroplanë lufte’.

Situata në terren ‘tregon qartë’ se njerëzit në Nagaran-Karabah po luftojnë kundër ‘një aleance Turko-Azerbajxhanase’, thuhet të jetë shkruar në deklaratë.

Sidoqoftë, një ndihmës i presidentit të Azerbajxhanit i quajti akuzat “një provokim tjetër nga pala armene dhe marrëzi të plota”.

Ndryshe, luftimet kanë shpërthyer edhe një herë midis Armenisë dhe Azerbajxhanit, dy ish republika të Bashkimit Sovjetik në rajonin e Kaukazit.

Në zemër të konfliktit dekada të vjetër është rajoni i Nagorno-Karabakut. Ai është njohur si pjesë e Azerbajxhanit, por kontrollohet nga armenët etnikë.

Vendet zhvilluan një luftë të përgjakshme mbi rajonin në fund të viteve 1980 dhe në fillim të viteve 1990. Megjithëse ata shpallën një armëpushim, ata kurrë nuk kanë arritur të bien dakord për një traktat paqeje.

Armenia dhe Azerbajxhani ishin pjesë e Bashkimit Sovjetik, një komb komunist që ekzistonte midis 1922 dhe 1991, shkruan DailyMail.

Të dy shtrihen në një zonë të rëndësishme strategjike të Evropës Jug-Lindore të quajtur Kaukaz.

Vendet kufizohen me Turqinë në perëndim, Iranin në jug dhe Gjeorgjinë në veri. Rusia gjithashtu kufizohet me Azerbajxhanin në veri.

Udhëheqësi separatist Arayik Harutyunyan akuzoi Turqinë për një ‘politikë agresive dhe ekspansioniste’ në rajon ndërsa Ankara u zotua për mbështetje të plotë për ‘vëllezërit tanë Azerbajxhanas’ pas disa prej përplasjeve më të këqija në vite.

Të dy palët akuzojnë njëra-tjetrën për të shtëna me artileri të rëndë në përleshjet që lanë qindra të plagosur, me pretendimet e ‘dhjetëra kufomave të ushtarëve azerbajxhanas’ në territorin që u luftua natën e kaluar.

Armenia është kryesisht e krishterë ndërsa Azerbajxhani i pasur me naftë është një vend me shumicë myslimane dhe ata kanë qenë të mbyllur në një mosmarrëveshje territoriale për Nagorno-Karabakun për dekada.

Ndërsa Azerbajxhani dhe Turqia janë aleatë të ngushtë, duke ndarë lidhje kulturore dhe gjuhësore, marrëdhëniet midis Turqisë dhe Armenisë janë ende të dëmtuara.

Konflikti mund të përfshijë gjithashtu Rusinë, një aleat i Armenisë që ka një bazë ushtarake në vend dhe të sjellë kaos në furnizimet globale të naftës dhe gazit që kalojnë përmes tubacioneve në rajonin e Kaukazit të Jugut.

Një zëdhënës i Kremlinit u bëri thirrje Azerbajxhanit dhe Armenisë që të ndalojnë çdo aktivitet ushtarak dhe tha se luftimet ishin një arsye për shqetësim serioz në Moskë.

Në anën tjetër, udhëheqësi turk Rexhep Tajip Erdogan premtoi mbështetje për aleatin tradicional Azerbajxhanin, tha se Armenia ishte “kërcënimi më i madh për paqen në rajon”.

Erdogan i bëri thirrje “të gjithë botës të qëndrojë me Azerbajxhanin në betejën e tyre kundër pushtimit dhe mizorisë”.

“Ne mbrojmë territorin tonë, çështja jonë është e drejtë!”, ka thënë presidenti i Azerbajxhanit, Ilham Aliyev, në një fjalim drejtuar kombit. 

Shfaq komentet
comments powered by Disqus
Sot mund të lexoni Shfletoni kopertinat