Deputetja kroate në Parlamentin Evropian Biljana Borzan ka folur për perspektivat reale të Ukrainës për të përshpejtuar procesin e saj të integrimit në BE dhe për të fituar statusin e vendit kandidat.
Siç tha ajo, është kryesisht një çështje e mbështetjes morale dhe dëshirës që Ukraina një ditë të jetë vërtet një vend anëtar, por ajo vëren se është shumë larg nga statusi i kandidatit dhe anëtarësimi i plotë. Ashtu si kolegët e saj të SDP-së dhe presidenti, ajo e lidhi çështjen me Ballkanin Perëndimor dhe tha se nuk duhet të ketë standarde të dyfishta në këtë drejtim.
Borzan iu referua edhe çështjes së Serbisë dhe faktit që ajo nuk iu bashkua Perëndimit në sanksionet kundër Rusisë.
“Kjo nuk është një pikëpamje e mirë në Bruksel dhe duhet theksuar se BE-ja është aktualisht burimi më i madh i parave të Serbisë përmes fondeve dhe investimeve”, tha Borzan për N1 të Zagrebit.
Edhe pse e gjithë vëmendja është përqendruar aktualisht te Ukraina, as BeH dhe as vendet e tjera në rajonin e Ballkanit Perëndimor nuk janë lënë jashtë fokusit, thotë Borzan.
