Atletico Madridi po punon për ta mbyllur sa më shpejt marrëveshjen për Moise Kean.
Italiani është duke u larguar nga Torino këtë muaj pasi po kërkon më shumë kohë të rregullt për të luajtur në Kampionatin Evropian të kësaj vere.
Një pjesë e vogël e klubeve italiane regjistruan interesimin e tyre për Kean këtë muaj, duke përfshirë Monzan dhe Fiorentinan, por sulmuesi i Juventusit priti që një klub jashtë Italisë të interesohej për të.
Atletico Madridi përfundimisht doli në skenë dhe negocioi shpejt kushtet me “Bianconerët”.
Eksperti italian i transferimeve, Matteo Moretto, ka raportuar se Atletico ka vendosur të ndalojë së prituri për të mbyllur marrëveshjen për Kean dhe tani po punon të mbyllë marrëveshjen deri të premten e kësaj jave.
Klubi spanjoll fillimisht priste që Angel Correa të shitej, por askush nuk e ka arritur çmimin e kërkuar prej 30-40 milionë eurosh dhe “Los Colchoneros” nuk duan të rrezikojnë të humbasin 23-vjeçarin.
Moise Kean do t’i bashkohet Atletico Madridit në një marrëveshje huazimi deri në fund të sezonit pa opsion blerjeje, me Atleticon që do të paguajë pagat e tij për pjesën e mbetur të sezonit..
