Kritikat e fundit të ish selektorit të kombëtares së Kosovës (femrat), prof. Ismet Jupa, ndryshe ekspert i hendbollit, sigurisht se e kanë mobilizuar edhe më shumë Federatën e Hendbollit që të jetë edhe më angazhuese në të ardhmen.
Prof. Jupa kritikoi FHK-në që po fotografohen shumë me zyrtarë të jashtëm e ato nuk sjellin cilësi, po ashtu kritikoi edhe angazhimin e lojtarëve të kombëtares së Kosovës U-21, si dhe për slloganin e vazhdueshëm: u ngrit Flamuri!
Megjithatë, këto kritika, siç merret vesh, nuk e kanë ndërmend që ta nxisin Izet Gjinovcin, sekretar i përgjithshëm i Federatës së Hendbollit të Kosovës, që ta ndez cigaren pa plan.
Sepse Gjinovci nuk e do dhe as që ka pasur për qejfi duhanin ndonjëherë në jetën e tij. Prandaj, Gjinovci po punon dhe po shikon të ardhmen e tij, kritikat i merr si shumë normale dhe të kohës moderne. Por assesi që ta ngreh ndonjë gojë duhan!