Pas largimit nga klubi me renome Kastrioti nga Ferizaj, Verim Zherka i rikthehet dashurisë së vjetër, klubi të hendbollit Prizreni. Prizreni ka përfituar shumë me kryetrajner Verim Zherkën sepse presin të arrijnë rezultate sa më të mira.
“Në marrëveshje mes kryesisë dhe trajnerit Verim Zherka u emërua në postin e kryetrajnerit të KH Prizrenit.
Trajneri me përvojë të madhe në Superligën e Kosovës nga sot është trajneri i KH Prizrenit.
Sezonin e kaluar, Zherka ishte trajner i Kastriotit ku fitoi Kupën e Kosovës dhe u shpall nënkampion në Superligë”, thuhet nga KH Prizreni, që i ka dhënë shije elitës pas rikthimit pas shumë viteve në këtë rang të garave.
