Në fundjavë do të përballen mes vete ekipet nga Ferizaj, Kastrioti-Ferizaj, në kuadër të javës së 11-të të elitës së hendbollit të Kosovës (femrat).
Kryetrajneri i Ferizajt, Sami Çerkini, me qetësi po e përgatitë ekipin dhe për fitoren e radhës, që të vazhdojnë misionin drejt titullit të kampionit.
Çerkini ka kompletuar ekipin dhe merret vesh se do të paraqitet me përbërjen më të mirë kundër Kastriotit që ka kryetrajnere Vlora Jashari.
KHF Ferizaj
Ferizaj është në vend të dytë me 18 pikë sa ka edhe liderja Istogu dhe Kastrioti renditet në pozitën e pestë me 10 sosh.
