Vitet e 90-ta (1991-1999), janë vite të paharrueshme dhe që do të kujtohen gjithmonë si vitet e sakrificës dhe rezistencës ndaj pushtuesit serb.
Gjeneratës së Republikës i takon edhe Ahmet Baliqi.
Ai ka qenë trajner i shquar i hendbollit dhe selektor i parë i Kosovës në konkurrencën e femrave, që u emërua në vitin 1992.
Baliqi ka dhënë kontribut të madh dhe nuk u ndal asnjëherë me gjithë presionet e vazhdueshme që vinin nga kuzhina e Beogradit.
Ai është krenar për punën dhe sakrificën që ka bërë në vitet më të vështira që i rezistuan pushtuesit serb e i zhvilluan garat e Republikës së Kosovës.
