Kampioni i Kosovës në hendboll (meshkuj), Besa Famgas nga Peja, skuadra bindshëm më e suksesshme në Kosovë, padyshim se ka bërë një gafë, sigurisht jo me qëllim!
Ose mund ta quajmë edhe si lëshim!
Në paralajmërimin apo në reklamën e saj, shkruan Kosovo!
Reklama e Besës
Jo Kosovo por Kosova sepse kjo reklamë është e vet klubit dhe askush nuk e ka detyruar me zor ta shkruaj në këtë formë.
Është më së e qartë që dikush nga zyrtarët e klubit pejan, mund t’i çojë hundë, por pranojeni gabimin apo gafën që e keni bërë, shmangeni Kosovo por shkruajeni Kosova.
E para, kombëtarja e Kosovës kur luan në rrafshin ndërkombëtar, e ka Kosova të shkruar në fanellë dhe jo Kosovo! E papranueshme është që ne ta shkruajmë Kosovo, kështu që zyrtarët e Besës duhet ta përmirësojnë këtë gabim.
Kombëtarja e Kosovës, e ka Kosova në shpinë!
Besa do të ballafaqohet me Bosna Visoko Vispak nga Bosnja, në kuadër të rrethit të dytë kualifikues të Kupës së Evropës në hendboll (meshkujt). Ndeshja e parë luhet në orën 16.00 (e shtunë) dhe ndeshja e dytë me 22 nëntor në orën 15.00 (e diel).
