Besa Famgas shtang Prishtinën, titulli i tetë rresht apo i 17-ti në histori!

Hendboll

Besa Famgas shtang Prishtinën, titulli i tetë rresht apo i 17-ti në histori!

Nga: Kemajl Goca Më: 12 maj 2021 Në ora: 20:59
Besa Famgas shtang Prishtinën, titulli i tetë rresht apo i 17-ti në histori!

Besa Famgas nga Peja, superfuqi e hendbollit të Kosovës. Pejanët fituan titullin e tetë rresht apo të 17-tën në histori, që nga pavarësimi i sportit të Kosovës nga ai ish jugosllav. 

Prishtina ishte një kafshatë e lehtë për Besën në përballjen e dytë të finales së Play-off-it të Superligës së Kosovës, duke pësuar humbje me rezultat 39:32 (19:15).

Kryeqytetasit nuk ishin as hija e finales së parë, megjithatë Taib Kabashi, kryetrajner i Prishtinës, duhet të jetë i kënaqur që e preku finalen e madhe.      

Kryetrajneri i Besës, Javier Cabanas, është krenar me këta djem dhe tani synon edhe trofeun e Kupës së Republikës së Kosovës.

Prishtina kampion u bë në vitin 2012-13 dhe nga kjo periudhë Besa sundon, duke i fituar titujt rresht. 

Besa nuk ka pasur rival të denjë që nga fillimi i kampionatit e deri në fund,. Investimet e familjes Idrizi po shpërblehen me suksese.

Prishtina-Besa Famgas 32:39 (15:19)
Gjyqtarë: Genc Bujupi, Getoar Bujupi.
Shtatëshet: Pr. 4 (2), Be. 1 (1).
Prishtina: Agushi, Terziqi 2, Syla 1, Beshiri 1, Prekazi 4, Shabani 7, Kastrati 2, Zherka 1, Bajçinovci 9, D. Ramadani, Gjuka 4, H. Ramadani, Ademi 1 dhe Beqiraj.
Besa Famgas: Mehmeti, Gjuka 4, Y. Muqolli 4, J. Muqolli 4, Charalampos 5, Dr. Tahirukaj, Muqolli 3, Alonso 3, Prce 9, Visoka 4, Vokshi 1, Mushkolaj 2, Thaqi dhe Luzha.
 

commentFirst article
Sot mund të lexoni Shfletoni kopertinat