Emisioni veror “n’mal A n’det”, vazhdon të sjellë për shikuesit argëtim, intervista dhe eksplorim kulturor.
Një prej rubrikave eksploruese në këtë emision është rubrika “Ku me shku n’det”, në të cilën çdo ditë për shikuesit sjellin nga një reportazh nga plazhet më të bukura shqiptare.
Ekipi i medias bëri një vizitë në Durrës, ku prej atje gazetari pyeti pushuesit se pse e zgjedhin këtë vend për pushime.
Një pushues ani pse pati kritika për këtë vend, për çka tha se nuk i mbush të gjitha kushtet, ai tha se e preferon këtë vend për pushime.
“Unë vij sepse është vendi ynë, mirëpo këtu mungojnë shumë kushtet; shportat e bërllokut, tualetet etj. Unë vij veç që s’kemi qare, sepse jam i sëmurë prej diabetit dhe më pëlqen me u shkarravit në rërë”, tha ai.
