Këngëtarja e njohur, Lady Gaga duket se po shijon në maksimum romancën e saj të re me inxhinerin e audios, Dan Horton. Ai nuk është i panjohur në botën e ‘showbiz-it’ të huaj për shkak se ka bashkëpunuar me yjet e muzikës ndërkombëtare si Camila Cabello, Justin Timberlake apo Bruno Mars, megjithatë marrëdhënia me Gaga-n ka tërhequr më shumë se kurrë vëmendjen e të gjithëve nga artisti.
Lady ka publikuar një foto në llogarinë e saj në ‘Instagram’ ku tregonte vendin ku po darkonte së bashku me Dan. Bashkangjitur pamjes ajo ka shtuar se kjo gjë ishte shumë speciale së bashku me disa zemra në të.
Mesa duket këngëtarja është duke kaluar një nga periudhat më të bukura dhe nuk ka hezituar ta tregojë këtë edhe ne ‘Instagram’.
Kujtojmë se në muajin shkurt të këtij viti, Gaga i dha fund fejesës disavjeçare me Christian Carino për shkak të xhelozisë së këtij të fundit.
