Futbollisti i njohur shqiptar, Eros Grezda, është mjaft i përfolur për sa i përket jetës së tij private.
Muaj më parë ai kurorëzoi dashurinë e tij me martesë me këngëtaren nga Shqipëria, Ajsel Abazi.
Tani duket se dyshja janë në pritje të fëmijës së tyre të parë dhe këtë e ka bërë të ditur për publikun vet futbollisti me origjinë nga Gjakova.
Ai publikoi një fotografi të përbashkët me gruan e tij, ku shihet duke mbajtur me duar barkun e saj të rrumbullakosur dhe duke i dhënë një përqafim të ngrohtë.
“Mezi pres që të takoj”, ka shkruar Grezda në mbishkrimin e kësaj fotografie, e cila ka marrë pëlqime dhe urime të shumta nga ndjekësit në hapësirën për komente.
Erosi përndryshe ka qenë i përfolur disa herë në media për jetën e tij private, ku ndër to më së shumti ka bërë bujë në të kaluarën lidhja e tij me modelen Oriola Marashi.
