Mësohet arsyeja pse kundërshtarët i frikësohen Vjosa Osmanit! - Bota Sot
Mësohet arsyeja pse kundërshtarët i frikësohen Vjosa Osmanit!

Politika

Mësohet arsyeja pse kundërshtarët i frikësohen Vjosa Osmanit!

Nga: N.H Më: 17 shtator 2019 Në ora: 19:37
Vjosa Osmani

Bisedimet me Serbinë gabimisht konceptohen si forcë fizike, andaj në ketë aspekt gjithnjë pretendohet se vetëm meshkujt e fuqishëm mund t’i përballojnë bisedimeve me Serbinë. Kështu ka vlerësuar analisti politik Faton Mehmeti.

Këto deklarata të Mehmetit vijnë pasi së fundi janë drejtuar akuza “të rëndë”, në adresën e Lidhjes Demokratike të Kosovës, ku kandidatët e partive tjera politike janë duke “nënçmuar” kandidaten e LDK-së për kryeministre të vendit, Vjosa Osmanin, lidhur me delegimin e dialogut me Serbinë.

Njohësi i zhvillimeve politike në vend, Faton Mehmeti, është i mendimit se kandidatja e LDK-së po nënvlerësohet nga kundërshtarët për shkak të frikës nga humbja, se kjo e fundit do t’i mund në zgjedhje, andaj, ai konsideron se kundër-kandidatët s’kanë ku të kapen tjetër, pos tek ky element.

Image
Faton Mehmeti

“Bisedimet me Serbinë gabimisht konceptohen si forcë fizike, andaj në ketë aspekt gjithnjë pretendohet se vetëm meshkujt e fuqishëm mund t’i përballojnë bisedimeve me Serbinë. Krejtësisht kjo qasje e gabuar, duke pasur parasysh se këtu nuk po flasim për luftë fizike, por diplomatike, andaj, edhe pa të drejtë Vjosa Osmani po nënvlerësohet në këtë aspekt. Kjo bëhet pikërisht nga kundërshtarët e saj që i kanë frikë Vjosës se do i mund në zgjedhje, andaj s’kanë ku të kapen tjetër, pos tek ky element, krejtësisht qesharak dhe non-sens”, është shprehur Mehmeti, për gazetën “Bota sot”.

Me tej, ai ka thënë se kandidatja për kryeministre nga radhët e Lidhjes Demokratike të Kosovës ka kapacitete dhe njohuri për të drejtuar këto bisedime të rëndësishme për fatin e Kosovës.

“Vjosa Osmani ka kapacitete për të drejtuar këto bisedime, të cilat do të monitorohen nga ndërkombëtaret, dhe në fund Kosova të fitoj ndonjëherë jo vetëm nga Serbia, por edhe nga 5 vendet anëtarët të BE-së. Pastaj do të vjen liberalizmi i vizave, dhe në fund hyrja në OKB”, ka përfunduar analisti Faton Mehmeti, për gazetën “Bota sot”.

Ndërkaq, kujtojmë se Lidhja Demokratike e Kosovës do të garoi me numrin 134 në zgjedhjet e 6 tetorit.

Ky numër është i parafundit në listën e votimit, shkruan “Bota sot”.

Kjo u bë e ditur pas tërheqjes së numrit me short në Komisionin Qendror të Zgjedhjeve.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...