Humbja e PAN-it i ka dhënë fund ideve të Qosjes për shkëmbim territoresh me Serbinë - Bota Sot
Humbja e PAN-it i ka dhënë fund ideve të Qosjes për shkëmbim territoresh me Serbinë

Politika

Humbja e PAN-it i ka dhënë fund ideve të Qosjes për shkëmbim territoresh me Serbinë

Nga: D. B. Më: 10 tetor 2019 Në ora: 13:08
Rexhep Qosja

Akademiku Rexhep Qosja ditë më parë ka thënë se duhet të mendohet edhe mundësia e shkëmbimeve të territoreve, meqë sipas tij, ende nuk dihet se çfarë karakteri do të jetë ajo trysni e ndërkombëtarëve.

“Mund të supozohet se mund të kërkojnë një shkëmbim territoresh, një pjesë të veriut me Luginën e Preshevës, këtë sa territor do ta caktonin ekspertët por në qoftë se ne duam që çështja e Kosovës, mosmarrëveshja e Serbisë me Kosovën, kjo çështje të zgjidhet historikisht ne duhet të mendojmë dhe për këtë mundësinë e shkëmbimeve të territoreve. E di se ky mendim ka shumë pak përkrahës. U pajtuan mes kufirit me Malin e Zi, ku Kosova i dhuroi Malit të Zi afro 9 mijë ha tokë pse këta burra e trajtojnë si ide antikombëtare idenë e shkëmbimit të territoreve? Sidoqoftë të shohim se çfarë do të propozojnë SHBA-të dhe BE”, ka thënë akademik Qosja mes tjerash.

Opinionisti Nexhat Haziri ka thënë se një deklaratë e tillë nuk ka asnjë peshë politike, për faktin se vije nga një njeri i cili tash e 30 vite nuk ka pasur asnjë ndikim në skenën politike.

Image
Nexhat Haziri

Sipas tij, si i tillë ai mund të bëjë çfarëdo deklaratë, sikur kjo për shkëmbim territoresh, që është vija-vija me planin ruso-serb për ndarjen e Kosovës në vija etnike.

“Humbja e PAN-it në zgjedhjet e 6 tetorit, i ka dhënë fund ideve të tilla që përkojnë edhe me deklaratën e fundit e akademikut Qosja. Kujtoj se kjo deklaratë nga akademiku Qosja më shumë është bërë që ai të dal sa do pak nga periferia e vëmendjes politike, se sa që ka pasur ndonjë qëllim më serioz”, ka thënë opinionisti Nexhat Haziri.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...