Pas mbledhjes së LDK-së, analisti flet për nevojën e reformave të reja

Politika

Pas mbledhjes së LDK-së, analisti flet për nevojën e reformave të reja

Nga: M.H. Më: 19 prill 2021 Në ora: 23:02
Foto ilustrim

Gjatë ditës së sotme Lidhja Demokratike e Kosovës ka mbajtur mbledhjen e radhës.

Në rend të ditës është edhe informimi mbi procesin e themelimit të institucioneve të Republikës së Kosovës dhe procesin e votimit për President.

Pikë tjetër e rendit të ditës në mbledhjen e LDK-së ishte edhe formimi i grupeve vlerësuese për degë.

Mirëpo pas përfundimi të njejtit nuk janë deklaruar për media, shkruan “Bota sot”.

Por pas kësaj, ishte kryetari i LDK-së, Lumir Abdixhiku I cili tregoi se çfarë ishte vendosur në mbledhje.

Abdixhiku ka thënë se LDK do të angazhohet të jetë një opozitë e reformuar, një alternativë kredibile por mbi të gjitha një organizatë politike që pasuron radhët e veta me njerëzit më të mirë të vendit.

Gjithashtu kryetari I LDK-së, ka njoftuar se ka themeluar shkollën politike.

Krejt në fund, ai ka theksuar se rruga përpara është e gjatë; por hapat e tyre janë të sigurt, dhe se në këtë balancë të përbashkimit të brendshëm, reformimit adekuat e të pandalshëm, qëndron edhe vullneti për rikthimin e tyre të madh.

Në lidhje me këte temë, analisti politik Faton Mehmeti në një prononcim për “Bota sot”, u shpreh se LDK tashmë e ka kuptuar nevojën për të sjellë ndryshimin edhe nëpër degë.

Image
Faton Mehmeti

Sipas Mehmetit nuk mjafton vetëm ndryshimi kozmetik duhet ai rrënjësor dhe se në degë është nevojë e madhe të bëhet ky ndryshim.

“Duket se LDK e ka kuptuar nevojën për ndryshim edhe nëpër degë, tani sa i madh do jetë ky ndryshim mbetet për tu parë. Nuk mjafton vetëm ndryshim kozmetik, duhet ndryshim rrënjësor e që do të rikthej besimin elektoratit të humbur.Mbetet për tu parë ditëve, javëve apo muajve në vijim se sa i thellë do të jetë ky ndryshim nëpër degë.Pikërisht në degë është nevojë e madhe për ndryshim”, u shpreh Mehmeti.

Nga ana tjetër, analisti thotë se LDK nuk shkon më poshtë se sa që ka shkuar në zgjedhjet e fundit mirëpo se sa do të arrijë të këndellet varet nga reformat që do të marrin.

“Një gjë është e sigurtë se LDK nuk shkon më poshtë se në zgjedhjet e fundit, sa do rritet kjo lidhet direkt me atë se sa do të jenë të mëdha reformat”, nnëvizoi Mehmeti për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat