Garda e Republikës ka reaguar me një sqarim lidhur me lajmin për heqjen e shoqëruesve të ish-kryeministrit Sali Berisha.
Me nje deklarate per mediat Garda ben me dije se “Kryeministri i vendit përfiton shërbim ruajtje për një periudhe 3-vjeçare pas përfundimit të detyrës, është ndërprerë vijimi i mëtejshëm i këtij shërbimi”.
Sqarim i Gardës së Republikës për heqjen e ruajtjes së zotit S.Berisha
Në përgjigje të interesit të disa mediave, lidhur me truprojet e zotit Sali Berisha, Garda e Republikës informon se në zbatim të Nenit 5, të Ligjit Nr. 8869, datë 22.5.2003 “Për Gardën e Republikës së Shqipërisë” i ndryshuar, ku përcaktohet se Kryeministri i vendit përfiton shërbim ruajtje për një periudhe 3-vjeçare pas përfundimit të detyrës, është ndërprerë vijimi i mëtejshëm i këtij shërbimi.
