Një ngjarje e rëndë është regjistruar mbrëmjen e sotme në Sarandë. Një person teksa po peshkonte ka rënë nga lartësia dhe ka gjetur vdekjen. Viktima është Eqerem Zeneli, rreth të 70-vjeç, banues në Sarandë.
Ngjarja ka ndodhur dy orë më pare në plazhin e Manastirit në një zonë shkëmbore. Dy persona kanë qenë duke peshkuar, kur njëri prej tyre ka humbur ekuilibrin dhe ka rënë nga një lartësi prej 20 metrash.
Ka qenë skafi i policise kufitare ajo që ka terhequr të plagosurin duke e sjellë në portin e Sarandës e më pas në spital ku fatkeqësisht ka ndërruar jetë.
