Flet pronari i restorantit që terrorizoi turistët spanjollë

Shqipëria

Flet pronari i restorantit që terrorizoi turistët spanjollë

Më: 18 gusht 2019 Në ora: 16:09
Foto ilustrim

Mihal Kokëdhima, ka treguar se si ka ndodhur ngjarja në të vërtetë.

Në Gjykatën e Vlorës u zhvillua sot seanca e masës së sigurisë për shtetasin Mihal Kokëdhima, i arrestuar pasi goditi me sende të forta furgonin e një grupi spanjollësh që kishin drekuar në restorantin e tij.

Pas pakënaqësisë së turistëve për shërbimin, Kokëdhima shpërtheu në dhunë ndaj tyre. Ai përfaqësohej në seancë nga dy avokatë, ndërsa gjyqtari i çështjes është Esmerilda Habilaj.

“Më morën zvarrë me makinë. Ç’është kjo punë nuk kam prekur njeri me dorë. Ku kanë faktet që i preka me dorë. Më rrëzuan në Qeparo, nga makina. Unë nuk e theva xhamin për t’i dëmtuar por për t’u mbajtur. Unë u mora targën, telefonova policinë. Ata futën marshin të më shtypnin, dhe unë u hodha ne kriskot. Kam dy fëmijë në shkolle në Gjermani. Ne dy muaj punojmë. Më lini të punoj”, ka thënë Kokëdhima.

Avokatët mbrojtës kanë kërkuar masë sigurie më të butë, duke ofruar edhe garanci pasurore deri në 3 mijë euro.

Sipas avokatëve, asnjë nga akuzat nuk qëndron për ta mbajtur prapa hekurave, ndërsa shtojnë se nuk rrezikshmëri shoqërore.

Në fund, gjykata vendosi masën e sigurisë “arrest me burg”.

Kokëdhima akuzohet për “kanosje”, “Dëmtime të tjera me dashje” dhe “Shkatërrimi i pronës”.

Ai u arrestua tri ditë më parë nga policia. Ky lajm i referohet raportimeve të medieve në Shqipëri.

commentFirst article
Sot mund të lexoni Shfletoni kopertinat