Kanë përfunduar ndeshjet e fundit, respektivisht të xhiros së 10 të Superligës A të femrave në volejboll, ku tani është mbyllur sezoni i rregullt.
Në xhiron e fundit, Drita e mposhti Fushë Kosovën me rezultat 3:0, ndërsa me rezultat të njëjtë u mposht Feronikeli nga skuadra e Skenderaj, përcjell KosovaPress.
Po ashtu, krahas këtyre dy përballjeve u zhvillua edhe takimi mes Fer Volley dhe M. Technologie, në të cilën nikoqirët u treguan më të fortë duke triumfuar me rezultat 3:1.
Pas 10 xhirove të zhvilluara, tabelën e kryeson klubi i Dritës me 51 pikë, katër sosh më shumë se vendi i dytë Fer Volley, kurse Top 4 e mbyllin M. Technologie dhe Skenderaj.
Ndërkaq, në fazën e Playoff-it që fillon më datat 20 dhe 21 prill, do të kemi dy përballje interesante, ku Drita e pret në shtëpi Skenderajn, kurse M. Technologie do të jetë mysafire e Fer Volley.
Më poshtë i gjeni rezultatet e xhiros së 10 në Superligën A të femrave, dhe çiftet e fazës së Playoff-it
Superliga A femrat – xhiro e 10
Drita 3:0 Fushë Kosova
Feronikeli 0:3 Skenderaj
Fer Volley 3:1 M. Technologie
Faza e Playoff-it
Drita – Skenderaj
Fer Volley – M. Technologie
