Ish kryetari i Federatës së Volejbollit të Serbisë, Nenad Golijanin, me 10 dhjetor të vitit 2016, kishte shpjeguar pse abstenoi në Kongresin e Federatës Botërore të Volejbollit (FIVB) në Buenos Aires kur u votua për pranimin e Kosovës.
Golijanin, ish volejbollist i Partizanit të Beogradit, ishte cak i kritikave në Serbi dhe madje u quajt edhe si tradhtar duke u shkarkuar edhe nga pozita e kryetarit për shkak që abstenoi për Kosovën.
Ditë më parë për mediumin serb “Danas”, ai ka treguar të vertetën e turpit në Serbi në lidhje me presionin që iu bëhen sportistëve në lidhje me Kosovën.
Ai ka folur pasi që Serbia U18 nuk u paraqit në fushë dhe humbi ndeshjen me rezultat zyrtar 3:0 nga Kosova U18 (meshkujt), në kuadër të kualifikueseve për Kampionatin Evropian.
“Ka shumë presion mbi sportistët dhe pak prej tyre janë të gatshëm të marrin një vendim në interes të sportit, sepse më pas do të përballen me një ferr të vështirë.
Ky është mjedisi në të cilin jetojmë, jo vetëm në këtë rast, por na kap në çdo hap dhe duhet të dalim nga korniza politike dhe të mendojmë një ditë duke njohur vlerat e vërteta.
Kjo mund të rrezikojë karrierën e njerëzve të mëdhenj, ekspertëve të mëdhenj dhe sportistëve të mëdhenj.
Mirëpo këtu më vunë në shtyllën e turpit, më shpallën tradhtar.
E prisja, por bëra atë që mendova se ishte e drejtë dhe zgjodha se si do të vazhdoja të jetoja””, thotë Golijanin.
Me 12 tetor të vitit 2016, media serbe “Blic” e pat sulmuar Golijanin, duke shkruar mes të tjera: “Natyrisht, ai njeri nuk mund ta pengonte pranimin e Kosovës në FIVB, sepse vendimi u mor pothuajse njëzëri, me përjashtim të Spanjës që ishte kundër dhe Serbisë që abstenoi (?!), por mbeti e paqartë pse. bënte marrëzi thuajse të paregjistruara në rrethet sportive. Dhe më pas vendimin e tij, dhe jo të Federatës së Volejbollit të Serbisë, e ka shpjeguar me një qëndrim thuajse tronditës – “lërini fëmijët të luajnë.
Është gjithashtu krejtësisht e çuditshme që Nenad Golijanin nuk u shkarkua menjëherë, dhe jo se ai tani po ofron dorëheqje sepse ka pështyrë qëndrimin unik se Serbia e kundërshton anëtarësimin e Kosovës në ndonjë organizatë. Fakti që nuk do të kemi sukses në pengimin e pranimit nuk është aspak i diskutueshëm, bëhet fjalë për rezistencën, qëndrimet, qëndrueshmërinë, atë që kanë pasur spanjollët në të njëjtin kongres, por jo përfaqësuesi i Serbisë. Dhe këtu vendimi për neutralitetin nuk mund të justifikohet me asnjë motiv sportiv.
Pra, shoku President, keni luajtur shumë”..
