Kandidati për deputet nga AKR-ja, Jetlir Zyberaj në një tubim në Hajvali të Prishtinës ka thënë se brenda tre muajsh do të mbyllet problemi i njohjes me Serbinë.
Ai përmes një postimi në Facebook, tha se kjo do të arrihet me mbështetjen e SHBA-ve.
“Hajvalia e Prishtinës, e palëkundur në mbështetjen e shtetndërtuesve. Shteti ynë do ta përmbyllë brenda tre muajsh problemin e njohjes nga Serbia me mbështetjen e fuqishme të SHBA-së dhe do të hap kapitullin e zhvillimit dhe ndërtimit modern”, shkruan Zyberaj i cili garon në zgjedhjet e 14 shkurtit në listën e LDK-së.
