Meghan ka vizituar një qendër të grave në Vancouver, në paraqitjen e saj të parë publike pasi ajo dhe burri i saj, Princi Harry, bëri njoftimin se ata do të tërhiqeshin mbrapa nga rolet e tyre si anëtarë të familjes mbreterore.
Dukesha u fotografua, duke buzëqeshur, së bashku me stafin në Qendrën e Grave të Downtown Eastside të Martën.
“Shikoni me kë pimë çaj sot!” shkruajti qendra në faqen e saj në Facebook. “Dukesha, Meghan Markle, na vizitoi sot për të diskutuar çështje që prekin gratë në komunitet.”
Meghan ka qenë në Kanada ditët e fundit, ndërsa familja mbretërore ka provuar të merret me krizën që pasoi pas njoftimit se Meghan dhe Harry donin të hiqnin dorë nga detyrat e tyre.
Vizita e së martës në qendrën e grave është konfirmimi i parë që Meghan është në Vancouver, siç ishte spekuluar gjerësisht.
Harry morri pjesë në bisedimet me Mbretëreshën dhe anëtarët e tjerë të familjes të hënën, por një burim i tha CNN se Meghan nuk u thirr në atë takim.
Në një deklaratë të lëshuar pas takimit, Mbretëresha tha se familja do të preferonte që çifti “të mbetej anëtar pune me kohë të plotë në familjen mbretërore”, por që ata “respektojnë dhe kuptojnë” dëshirën e Harry dhe Meghan “për të jetuar një jetë më të pavarur. ” Mbretëresha ka rënë dakord për një “periudhë tranzicioni” ndërsa detajet për rolin e tyre të ri janë bllokuar, njoftoi familja. Mbetet e paqartë kur Meghan planifikon të kthehet në Mbretërinë e Bashkuar.
Meghan jetoi në Toronto ndërsa filmonte serialin televiziv “Suits”, në të cilin ajo luajti për shtatë vjet. Mësohet se çifti do të kalojë kohë në Britani të Madhe dhe Kanada gjatë periudhës së tyre të tranzicionit.
Meghan ka vizituar disa qendra të grave gjatë kohës së saj në mbretëri dhe është mbrojtja e Smart Works, një qendër bamirësie që ndihmon për gratë e papuna dhe të pambrojtura për të gjetur punë.
