Perrie Edwars e “Little Mix” në pritje të ëmbël

Mediale Vip

Perrie Edwars e “Little Mix” në pritje të ëmbël

Më: 11 maj 2021 Në ora: 17:45
Alex Oxlade-Chamberlain dhe Perrie Edwards

Një tjetër anëtare e “Little Mix” po bëhet nënë.

Ylli i “Little Mix”, Perrie Edwards ka njoftuar se është në pritje të fëmijës së saj të parë me futbollistin anglez Alex Oxlade-Chamberlain, shkruan CNN.

Këngëtarja 27-vjeçare postoi të hënën në Instagram fotografi bardh e zi të foshnjës së saj duke shkruar: “Aq e lumtur që jam në këtë udhëtim të bukur me shpirtin tim binjak”.

Ajo shtoi: “Unë + Ai = Ti. Ne mezi presim që të takojmë foshnja Ox”.

Ndërkohë, futbollisti i Liverpool Oxlade-Chamberlain postoi të njëjtat imazhe në faqen e tij në Instagram.

Në një mbishkrim që shoqëronte fotografitë, ai shkroi: “Çdokush ka ndonjë këshillë se si të ndryshojmë pelenat? Aq mirënjohës dhe i ngazëllyer për t’u bërë baba”.

Lojtari i Anglisë, 27 vjeç, shtoi: “Sillni netët pa gjumë”.

Njoftimi i këngëtares erdhi vetëm disa ditë pasi shoqja e grupit të Edwards nga ‘Little Mix’, Leigh-Anne Pinnock njoftoi se ajo ishte në pritje të fëmijës së saj të parë.

Little Mix bëri famë më 2011 pasi ato fituan shfaqjen televizive të Mbretërisë së Bashkuar “The X Factor”.

Ato kanë vazhduar të bëhen një nga grupet më të mëdha të vajzave në Britani.

Dhjetorin e kaluar, këngëtarja Jesy Nelson, e cila kishte qenë pjesë e Little Mix që kur u formua grupi, njoftoi se do të largohej.

Anëtaret e mbetura të grupit, Pinnock, Edwards dhe Jade Thirlwall, thanë se kishin ndërmend të vazhdonin performancën dhe turneun pas largimit të Nelson.

Shfaq komentet
comments powered by Disqus
Sot mund të lexoni Shfletoni kopertinat