“Thënia e Vuçiqit se “ROSU mund të hyj në veri të Kosovës në dy kushte: kur atë e lejon KFOR-i dhe serbët e asaj pjese”, është një konsum ditor për ti qetësuar shpirtrat e nacionalistëve serbë të cilët e ëndërrojnë Kosovën si pjesë të Kushtetutës së tyre. Ose thënë më qartë kjo është një luftë speciale që e përdorë Serbia për qëllimet e saja”, ka thënë Hajrullah Tërnava ekspert i sigurisë.
Presidenti i Serbisë, Aleksandër Vuçiq, ka thënë se Njësia Speciale e Policisë së Kosovës, ROSU mund të hyjë në veriun e Kosovës me dy kushte.
Sipas tij, këto dy kushte janë: me lejen e KFOR-it dhe me pajtimin e serbëve në veri.
“Kjo është gjithë e vërteta dhe vetëm e vërteta. Kushdo që thotë diçka tjetër është një gënjeshtar i madh”, ka thënë Vuçiq.
Vuçiq ka shkuar tutje, duke thënë se me marrëveshjen e Brukselit, të vitit 2013, është garantuar që NATO-ja është ajo që ka për detyrë të ruajë sigurinë në Kosovë.
“Ata ndoshta duan ta harrojnë këtë pjesë të marrëveshjes, por nuk ka hyrje në veri pa pajtimin e NATO-s dhe numër dy, pa u arritur një pajtueshmëri edhe me serbët e veriut”, ka thënë ai.
Ekspert të sigurisë dhe njohës të politikës e kundërshtojnë këtë deklaratë të Vuçiqit, të cilët thonë se, nuk ka asnjë shtet në botë që nuk mund të kontrollojë pjesë të territorit të shtetit të tij.
(Shkrimin e plotë mund ta lexoni nesër në gazetën "Bota sot", versioni i shtypur)
