Kryetari i Lëvizjes Vetëvendosje, Albin Kurti po konsiderohet si i vetmi lider në Kosovë që mund të marr pushtetin aktualisht, kjo për faktin se ai është i vetmi lider në Kosovë që i sfidon dhe ua rrezikon pushtetin Klanit “Pronto”.
Si rrjedhojë e kësaj, Kurtit mund t`i rrezikohet edhe jeta nga kundërshtarë politik, të cilët i frikësohen ardhjes së tij në pushtet.
Një kundërshtim i hapur Kurtit po i vije edhe nga gazetari Baton Haxhiu, i cili Lëvizjen Vetëvendosje e ka etiketuar edhe si “organizatë kriminale”.
Analisti politik Faton Mehmeti duke folur rreth kësaj çështje ka thënë se Lideri i VV-së, Albin Kurti ka treguar guxim edhe në luftë andaj është në natyrën e tij guximi.
Sipas tij, deklarata kundër Baton Haxhiut, vjen jo për shkak se ai është bashkëpunëtori i UDB, por se po realizon planet e tyre për ndarje të Kosovës.
“Një gjë e tillë nuk pranohet nga kush do që ka gjak shqiptari, përveç atyre që janë infektuar nga Serbia. Albini rrezikohet nga elemente të SHIK-ut që kontrollohen nga PDK, e që është pjesëmarrëse në këtë pazar të copëtimit të vendit. Besoj se elementet e UDB-së dhe SHIK-ut janë të rrezikshme për këdo që u del kundër përpjekjeve të tyre për ndarje, pasi kështu janë të paguar për të vepruar. Besoj se si Rugova dikur që ishte pengesë për realizimin e skenarëve të errëta, ashtu edhe sot Albin Kurti është pengesë, andaj rrezikon edhe të eliminohet ose të helmohet”, është shprehur analisti politik Faton Mehmeti.