Njohësi i çështjeve juridike-kushtetuese, Blerim Burjani, në një prononcim për gazetën “Bota sot”, është shprehur se tema e demarkacionit dhe marrëveshja e arritur ishin vetëm formale nga ana e qeverisë aktuale.
“Kjo qeveri e dështuar në agjendën e zhvillimit ekonomik dhe rritjen e pagave si ne komunizëm. E ka shkaktuar pasoja të paparapara për ekonomin e tregut, dhe ka bërë debalance të plotë ekonomik dhe ka diskriminuar sektorin privat mbi 250 mijë punëtor. Tema e demarkacionit dhe marrëveshja ishte vetëm formale sa për të ruajtur fytyrën dhe problemin e krijuar artificial nga ky vet kryeministër dhe opozitës se atëhershme.
Sipas Burjanit, kryeministri Haradinaj i ka lënë në lloçë të gjithë edhe ish-kolegët e opozitarë, duke u strehuar nën çadër të Hashim Thaçit dhe Kadri Veselit.
“Ky kryeministër i la në lloçë të gjithë edhe ish-kolegët e opozitarë duke u strehuar nën çadër të Hashim Thaçit dhe Kadri Veselit, që e nënçmuan shumë dhe pas një nënçmimi të madhe gati 15 vjet i dhanë postin e kryeministrit për të bërë marionetë për vete. Tash ka arritur koha kur PDK-ja po largon prap atë ku ishte si në kohën e "tepihut", kur ky njeri ishte liruar nga Tribunali i Hagës”, ka thënë Burjani.
Në fund, Burjani nënvizon se shteti i Malit të Zi është në NATO, dhe nuk merret më me këtë çështje që ishte formale.
“Marrëveshje është e kryer. Mali i Zi e ka kryer këtë proces në Vjenë. Kjo ka marrë fund, nuk ka kurrfarë interesimi për të nisur sërish këtë çështje. Tash Mali i Zi është në NATO dhe nuk merret më me këtë temë që ishte thjeshtë formale. Pra, kjo çështje është e kryer, dihet shumë mirë se kjo marrëveshje do të vlente po që se dy palët pajtohen për të zgjidhe ndonjë dilemë të mëhershme të demarkimit, por Mali i Zi nuk ka asnjë dilemë”, ka përfunduar Blerim Burjani për gazetën “Bota sot.
