Shtatori mund të jetë muaji kur do të mbahet Samiti i Parisit ka paralajmëruar presidenti serb Vuçiq pas takimit që ka pasur me presidentin francez, Emmanuel Macron.
Por sa do të ketë efekt, ky Samit në raport me Kosovën dhe BE-në, njohësi i Integrimeve Evropiane Emrush Ujkani ka thënë për “Bota sot” se Samiti i Parisit i cili sipas Presidentit Emanuel Macron do mund të organizohet në muajin shtator, do jetë një përpjekje tjetër e radhës.
“Mendoj se kësaj radhe është më mirë e planifikuar dhe e përgatitur e mbase do mund të hapë rrugë për fillimin e fundit të dialogut Kosovë - Serbi për arritjen e një marrëveshje gjithëpërfshirëse”, ka thënë njohësi i Integrimeve Evropiane, Emrush Ujkani.