Çështja e luftës kundër korrupsionit padyshim se duhet të marr formë edhe trajtë më konkrete.
Kështu ka vlerësuar politologu Albinot Maloku i cili në një prononcim për “Bota sot” ka thënë se nga premtimi duhet të kalojë në vepër.
Konstatimi i përfaqësueses së Ambasadës Zviceranë në Kosovë, znj. Stoker se Kosova deri tash ka pasur suksese të kufizuar në sanksionimin e rasteve të korrupsionit është për tu përshëndetur.
Sipas tij, ishte i kufizuar por përderisa flitet për këtë çështje ende, atëherë ende jemi larg.
“Lufta kundër korrupsionit e nepotizmit nuk do të duhej të lidhej me imazhin, por kryekëput për qytetarin të cilit ia ka zënë frymën nepotizmi politik e familjar në të gjitha sektorët, e për pasoj të nepotizmit edhe korrupsioni ka qenë aktiv e prezent”.
“Qeveria në ardhje, shpresoj shumë që asnjë angazhim të mos e bëjë si pasoj e kushteve të vëna nga ndërkombëtar, madje edhe nga BE, që ta luftojë korrupsionin e nepotizmin, mirëpo çdo angazhim në këtë rrafsh ta bëjë për qytetarin e shtetin. Fenomenet si nepotizmi e korrupsioni duhet të çrrënjosen pa komprosim në të gjitha sektorët. Kjo gjë nuk ka nevojë te vije si pasoj e kushteve e rekomandimeve të BE-së. Qeveria në ardhje e ka rastin eklatant të veprojë në këtë luftë. Janë bërë të lodhshme si fenomene muhabetesh nëse për asgjë tjetër”, ka thënë politologu Albinot Maloku.