Një përplasje ka ndodhur mes kryeministrit Avdullah Hoti dhe nënkryetarit të Kuvendit nga PDK, Memli Krasniqi, rreth votimit të marrëveshjes ndërkombëtare.
E gjitha ka nisur në momentin kur kryeministri Hoti kritikoi PDK-në dhe Lëvizjen Vetëvendosje, që po e refuzojnë këtë marrëveshje, duke thënë se Lidhja Demokratike e Kosovës, edhe kur ka qenë në opozitë nuk i ka bllokuar këto marrëveshje.
E këtë deklarim e kundërshtoi Memli Krasniqi, i cili tha se LDK ka bërë politikë në të kaluarën edhe me marrëveshje ndërkombëtare.
Madje, ai thotë se në mandatin e kaluar, përfaqësues të LDK-së arsyetoheshin se nuk do votojnë pro këtyre marrëveshje, për shkak se kryetari i atëhershëm i Kuvendit, nuk po sillej mirë.
