Lëvizja Vetëvendosje ka dorëzuar në Gjykatën Kushtetuese kërkesën për, siç thuhet “vlerësimin e veprimeve antikushtetuese të presidentit të Kosovës Hashim Thaçi në rastin e nxitjes, bindjes dhe detyrimit të deputetit, Haxhi Shala, për të ndryshuar qëndrimin për votën ndaj Qeverisë”.
Në lidhje me këtë profesor Sulejman Mehazi në një prononcim për “Bota sot”, ankesën e VV-së, e ka cilësuar si të drejtë dhe të arsyeshme, sepse Presidenti nuk guxon të nxitë, të bind e të detyrojë dhunshëm deputetët e parlamentit të votojnë sikurse.
“Ankesa LV-së në Gjykatën Kushtetuese për vlerësimin e veprimeve antikushtetuese të presidentit Thaçi janë të arsyeshme e shumë të drejta. Ai si president i shtetit nuk guxon të nxitë, të bind e të detyrojë dhunshëm deputetët e parlamentit të votojnë sikurse që është rasti me deputetin Haxhi Shala”, thotë Mehazi.
Sipas tij, një qytetar i rëndomtë nuk guxon të detyrojë ndonjë të votonte për dikë, do përgjigjej para gjyqit, e jo më presidenti i shtetit.
“Përgjegjësinë e këtyre veprimeve juridike e merr çdo kush, vota është e shenjtë edhe qytetari i rëndomtë nuk guxon të detyrojë ndonjë të votonte për dikë, do përgjigjej para gjyqit, e jo më presidenti i shtetit të sillet në këtë mënyrë nënçmuese me votën e lirë të deputetit Haxhi Shala. Thaçi duhet ta di se është president i shtetit e jo kryetar partie dhe si lejohet të merret me votat e deputetëve se nga cila anë të votojnë në parlamentin e Kosovës” shprehet Mehazi.
Me tej thekson, se Presidenti duhet t’i dijë kompetencat e veta.
“Kompetencat e kryetarit të shtetit dihen, ai është kryetar jo vetëm i qytetarëve, por edhe e partive politike dhe s'ka kurrfarë kompetencash ndaj parlamentit të Kosovës. Fatkeqësisht, Hashi Thaçi ështe president që nuk respekton ligjet kushtetuese të shtetit të tij”, përfundon Mehazi.