Kryeministri i Kosovës, Avdullah Hoti i është përgjigjur emisarit special për dialog, Miroslav Lajçak, ku tha se Kosova edhe Serbia duhet të bëjnë ndryshime Kushtetuese për të vënën në funksion Asociacionin e Komunave Serbe.
Hoti ka thënë se shteti i Kosovës i ka vendosur parimet e tij karshi dialogut, duke siguruar se nuk do të preket integriteti territorial si dhe karakteri unitar i Kosovës.
Këtë e ka komentuar edhe analisti politik, Faton Mehmeti, i cili në një prononcim për "Bota sot" ka thënë se për nga teoria deklarata e Hotit është në rregull, por në praktikë është e vështirë t'i mbroj nëse vie puna për të mbrojtur deklaratën e tij.
"Në teori deklarata e Hotit është në rregull, territori i Kosovës nuk guxon të preket, dhe as të cenohet integriteti i vendit, pavarësisht se kush e dëshiron apo e kërkon një gjë të tillë. megjithatë, është vështirë që Hoti këto deklarata t'i mbroj edhe në praktikë nëse vjen puna taman për ta mbrojtur deklaratën e tij, duke qenë se Dulla s’ka kapacitet politikë, s’ka "kaçik" as brenda koalicionit të tij, e lërë më për veprime më të mëdha, karshi BE", ka thënë ai për "Bota sot".
Po ashtu, Mehmeti është shprehur se kërkesa e Lajcak nuk realizohet përderisa edhe brenda BE-së nuk e duan një gjë të tillë.
"Kështu që kërkesa e Lajcak nuk realizohet, duke qenë se edhe vet brenda BE nuk e dëshirojnë një gjë të tillë, pastaj edhe konfiguracion politikë në Kosovë është i atillë që kryeministri mund të merr vendime të tilla", shtoi Mehmeti
Sipas tij, Hoti është një kukull që dirigjohet nga të tjerë, gjë që as kur e ka më drejtë deklaratat e tij nuk i merren për seriozisht. "Fatkeqësish z. Hoti është pa mbështetje, është thjesht një kukull që dirigjohet nga të tjerët, andaj deklaratat e tij nuk janë për tu marr seriozisht, as kur e ka me të drejtë. Megjithatë Kosova nuk guxon assesi të pranojë një propozim të tillë, të ndryshimit të kushtetutës, ndryshe Kosova më nuk është unike, ajo mund të shpërbëhet", përfundoi ai.
