Mbaroi. Ngjarja më domethënëse në planet ka epilogun e saj - Joe Bideni është presidenti i ri, i 46-të i Shteteve të Bashkuara. Bashkëbiseduesit e portalit malazez CdM pajtohen - Fitorja e Biden është domethënëse për Ballkanin.
Presidenti i Aleancës Qytetare, Boris Raoniq, i tha CdM-së se është më mirë nëse vendi më i fuqishëm në botë drejtohet nga një njeri që di emrat e udhëheqësve tanë, sesa dikush që do t'i shtyjë në tubimet zyrtare.
Davor Gjenero, analist politik nga Kroacia, thotë se fitorja e Bidenit nuk do të thotë aq shumë për asnjë rajon tjetër sa për Ballkanin. Ai thotë se presidenti rus Vladimir Putin heshti për herë të parë.
Raoniq vë në dukje se, kur përpiqemi të shohim pasojat e zgjedhjeve të ShBA-ve në Malin e Zi, së pari duhet të jemi të vetëdijshëm për rëndësinë e tyre dhe se, në përputhje me rrethanat, pyetja është nëse ShBA-të kanë një politikë ndaj nesh, sesa në çfarë forme do të formohet.
"Por nëse e dimë që Trump ishte në rrugën e ndërprerjes së marrëdhënieve me Evropën, gjë që do të kishte pasoja edhe për ne, sigurisht që është më mirë që Bideni të jetë fituesi i këtyre zgjedhjeve. Është më mirë për botën që Shtetet e Bashkuara më në fund, pas një shekulli që nga fillimet e të drejtave politike të grave, të kenë një nënkryetar, me origjinë migrante, pasi ish-presidenti kishte një qëndrim të papranueshëm ndaj tyre. Megjithëse nuk e shoh Bidenin në vlerë dukshëm më të mirë se Trumpin, për këto arsye unë preferoj këtë vendim të amerikanëve, sepse vendi më i fuqishëm në botë, i cili duhet të jetë model për shumë vende në tranzicion, nuk duhet të drejtohet nga dikush që nga shumë konsiderohet mendjelehtë, dhe deri sa ata nuk janë gati për dikë si Sanders, është më mirë që të jetë edhe Biden-", është i qartë Raoniq.
Presidenti i Aleancës Qytetare shpreson që Biden nuk do të thellojë padrejtësinë më të madhe që zgjat, pozicionin e Palestinës, por do të shkojë në drejtim të një zgjidhjeje më të drejtë dhe jo të dhunshme në atë rajon.
Një mesazh i qartë vjen nga Kroacia. Gjenero thotë se për një kohë të gjatë nuk ka pasur një lajm kaq të mirë si ky që morëm të shtunën pasdite.
Siç thotë ai, Amerika po bëhet përsëri e madhe, sepse, pretendon Genero, ajo ka hequr qafe dëmtuesit.
Sipas tij, Amerika po bëhet përsëri udhëheqësi i botës së lirë, partneriteti euro-atlantik po zgjohet përsëri, të cilin Trump donte ta shkatërronte dhe ta varroste.
"Nuk është e rëndësishme vetëm që pak njerëz në politikë të lartë njohin çështje politike ballkanike si presidenti i ri i SHBA-së Joe Biden, por është e rëndësishme që ai do të kujdeset për parandalimin e kaosit në skajin evropian dhe afirmimin e parimeve të shtetit të së drejtës, fqinjësisë së mirë dhe aleancës së botës demokratike ”, vëren Gjenero.
Ai shton se kjo do të thotë që administrata e Bidenit do të duhet të ndërhyjë në Ballkan, se do të duhet të rivendosë stabilitetin që ekzistonte gjatë administratës së Obamas dhe të eleminojë çekuilibrin të cilin, siç thotë ai, administrata Trump krijoi disbalans, duke u shkuar për shtati klientëve të Putinit në këtë zonë.
Gjenero thekson se Kosova dhe Mali i Zi janë destabilizuar seriozisht dhe se pa ri-stabilizim, forcimin e opsioneve demokratike, kushtetuese dhe sovraniste dhe shtypjen e atyre që nuk janë gjë tjetër veçse subjekte të konceptit euroaziatik të shkatërrimit të BE-së dhe fqinjësisë së saj të parë, nuk ka ekuilibër të ri dhe rinovim të procesit të integrimi evropian dhe forcimi të euro-atlantizmit.
Ai beson se ndryshimet nuk do të jenë të shpejta, sepse vetë presidenti i sapozgjedhur i SHBA-ve tha qartë se ai së pari duhet të shërojë shoqërinë në Amerikë, ta riintegrojë atë dhe kështu të forcojë kombin e shtetin.
"Evitimi i dëmit do të zgjasë shumë, ekipet diplomatike amerikane do të krijohen ngadalë që do të jenë në gjendje të veprojnë si në kohën e lavdishme të Clintonit ose të Obamas, por, Bideni, është politikan i mençur që do të jetë në gjendje ta bëjë këtë. Ai tashmë ka bërë diçka. Për herë të parë, Vladimir Putini kuptoi se rrethanat nuk ishin në favor të tij, u fsheh në Kremlin dhe heshti. Mbetet e rëndësishme për botën demokratike që Amerika të jetë e fortë dhe e hapur, jo e mbyllur, e vetëkënaqur dhe e shqetësuar. Biden është një garanci e hapjes dhe rregullimit, por edhe e madhësisë dhe forcës ”, përfundoi Genero në një deklaratë për CdM-në.
