Ambasadori serb në Shtetet e Bashkuara Marko Gjuriq ka marrë detyrën pesë ditë më parë. Në një intervistë për RTS-në, ai ka thënë se ai dhe ekipi i tij planifikojnë të përmirësojnë marrëdhëniet midis dy vendeve, të bashkojnë diasporën dhe të forcojnë lobin serb.
Gjuriq thotë se beson në zbatimin e marrëveshjes së Uashingtonit dhe bashkëpunimin e mirë me administratën e re amerikane në gjetjen e një zgjidhjeje për Kosovën.
"Besoj se është një fillim i ri për Amerikën dhe një mundësi e re gjithashtu për ne, dhe se shumë varet nga sa do të punojmë dhe sa do të përpiqemi," thotë Gjuriq.
Gjuriq përkujton se viti i ardhshëm do të shënojë 140 vjet të marrëdhënieve diplomatike midis Serbisë dhe Amerikës dhe kjo, siç thotë ai, është një mundësi e jashtëzakonshme për të përmirësuar marrëdhëniet.
Gjuriq ka folur edhe rreth asaj se në Komitetin për politikës të jashtme të Dhomës së përfaqësuesve të ShBA-së, në të cilin ish-sekretarja e shtetit e SHBA-së Madeleine Albright dhe kryetari Eliot Engel thanë se Serbia nuk duhet të ndalojë procesin e zhvillimit të shtetësisë së Kosovës, sepse Kosova është e pavarur dhe Serbia nuk do të hyjë në BE derisa ta njohë atë.
"Eliot Engel ka humbur në zgjedhje, edhe brenda partisë së tij. Lobi shqiptar është mbështetur shumë në përkrahjen e disa qëndrimeve të caktuara që ai ka shprehur në periudhën e mëparshme. Cili do të jetë qëllimi i Serbisë në periudhën e ardhshme është që të ketë Eliot Eneglë serbë midis kongresistëve, senatorëve , politikanëve të shquar amerikanë ”, tha Gjuriq.
Ai deklaron se është thellësisht i bindur se interesat serbe dhe amerikane mund dhe duhet të përputhen në çështje të ndryshme dhe se duke kultivuar partneritete me miqtë dhe aleatët tradicionalë, gjithashtu duhet të ndërtojnë një nga shtyllat e stabilitetit dhe progresit nga Shtetet e Bashkuara.
"Pavarësisht se sa e vështirë është trashëgimia nga e kaluara në segmente të caktuara, shteti ynë dhe interesi kombëtar është që të përpiqemi të kemi marrëdhënie më të mira me Amerikën," tha Gjuriq.
Sipas tij, gjithashtu do të thotë shumë që kryetari Vuçiq në periudhën e kaluar ka krijuar kontakte të mira personale me disa prej tyre.
"Ne tani do të vazhdojmë ta ndërtojmë atë, të vizitojmë dhe flasim me këta njerëz çdo ditë dhe të punojmë me përfaqësuesit e mediave, për të bërë lobim tradicional, por edhe modern për interesin serb. Në këtë kuptim, ne do të angazhojmë diasporën e madhe serbe që është ndarë prej kohësh mbi baza ideologjike, politike dhe të ndryshme dhe për t'i bashkuar rreth Serbisë për të ardhmen e saj ", deklaroi Gjuriq.
"Për çështjen e Kosovës dhe disa temave të tjera, kemi shumë për të folur dhe unë jam i bindur që argumentet e Serbisë po dëgjohen me shumë kujdes se më parë", thotë Gjuriq.
RTS-ja përkujton se Marrëveshja e Uashingtonit është nënshkrua tre muaj e gjysmë më parë dhe se kryetari serv Vuçiq vazhdimisht ka theksuar se Serbia do ta respektojë atë marrëveshje.
"Jo vetëm që do të vazhdojmë të respektojmë marrëveshjen e Uashingtonit, por do të vazhdojmë të insistojmë në zbatimin e saj. Të gjitha sinjalet që kemi nga rrethi i presidentit amerikan tregojnë se administrata e re e SHBA-së do të vazhdojë të punojë me ne për zbatimin", tha Gjuriq.
