Shpesh janë përmendur raste të shkeljes së ligjit nga njerëzit e politikës.
Për këtë, Instituti i Kosovës për Drejtësi ka nxjerrë një raport në të cilën prezantohen veprat e zyrtarëve të partive politike, të cilët kanë mbajtur ose mbajnë pozita nëpër institucione të ndryshe shtetërore, shkruan "Bota sot".
Në këto akuza përfshihen raste penale si korrupsioni, keqpërdorimi i detyrës zyrtare, mos raportimi i pasurisë, e veprat të tjera.
Sipas këtij raporti, Partia Demokratike e Kosovës e mban primatin, ku 67 anëtarë apo edhe ish anëtarë të saj kanë 89 aktakuza.
“Nga 89 aktakuzat e ngritura ndaj zyrtarëve të kësaj partie, 52 prej tyre tani kanë përfunduar me vendim të formës së prerë, 15 të tjera kanë marrë verdiktin vetëm të gjykatës së shkallës së parë, ndërsa në procedurë gjyqësore në gjykata themelore janë edhe 22 të tjera”, thuhet në raport.
Këtë janë zyrtarët e PDK-së që janë dënuar sipas formës së prerë:
Rrustem Mustafa
Nexhat Demaku
Fadil Demaku
Xhabir Zharku
Sami Lushtaku
Shukri Buja
Bajrush Xhemajli
Florim Shkreta
Nexhmedin Arifi
Hajri Ramadani
Halim Gecaj
Lulzim Kadriu
Sadik Tahiraj
Hasan Hasni
Nazmi Krasniqi
Izet Morina
Ajet Demiri
Fatmir Rudari
Riza Abdyli
Granit Rifaj
Lulzim Rifaj
Po ashtu, në raport përfshihen edhe dënimet në rastin e shkallës së parë. Ku këtë listë e kryeson, Ramadon Muja, ndërsa përmendet edhe emri i Sami Lushtakut, ku është dënuar me 12,000 euro gjobë.
Ndërkaq, rastet të cilat janë në proces e sipër, janë në rastin e Besim Beqajt, Kujtim Gashit, Azem Sylës, Agim Çekut, Nuredin Lushtakut, Shukri Bujës, e Qemajl Mustafës.
Këtu mund ta lexoni raportin e plotë të IKD-së.
