Vetëvendosje i pret krahë hapur deputetët opozitarë që dëshirojnë t’i bashkohen asaj, ka një mesazh për ata

Politika

Vetëvendosje i pret krahë hapur deputetët opozitarë që dëshirojnë t’i bashkohen asaj, ka një mesazh për ata

Nga: M.H Më: 13 prill 2021 Në ora: 15:46
Foto ilustrim

Situata politike në vend pas zgjedhjeve është stabilizuar duke arritur të krijohet qeveria më pas edhe u zgjodh presidentja e vendit.

Sfidë për qeverinë Kurti po mbetët situata pandemika e cila po rëndohet dita ditës duke u detyruar edhe për masat e reja të cilat u vendosën javën e kaluar.

Mirëpo përveç kësaj aderimet mbesin gjithmonë tema e cila vë në debat opinonin publik e që së fundmi ishte aderimi i ish-deputetes së PDK-së, Adelina Grainca, në LVV.

Ky aderim lë të kuptohet nëse mund të ketë aderime të tjera në LVV e që për këtë temë në një intervistë ekskluzive për “Bota sot” ka folur deputeti nga radhët e Lëvizjes Vetëvendosje, Enver Dugolli.

Ai u shpreh që jo vetëm deputetët por edhe qytetarët të cilët përqafojnë konceptin dhe programin e LVV janë të mirëserardhur.

Dugolli shton se rezultatin që ka marr LVV në zgjedhje nuk i lejon që të mbyllin dyert për deputetët apo qytetarët, përkundrazi kërkohet bashkëpunim.

Image
Deputeti nga radhët e LVV-së, Enver Dugolli

“Jo vetëm deputetët, por të gjithë qytetarët pa dallim që përqafojnë konceptin dhe programin e Lëvizjes Vetëvendosje dhe që e shohin vetën aty, janë te mirëseardhur. Të jemi të qartë, rezultati në zgjedhjet 14 shkurtit 50.28% për LVV, nuk na jep neve të drejtën që të mbyllim dyert, përkundrazi na obligon të jemi sa më të hapur dhe bashkëpunues”, u shpreh Dugolli për “Bota sot”.

Shfaq komentet
comments powered by Disqus
Sot mund të lexoni Shfletoni kopertinat