“Rrezik për stabilitetin dhe paqen në Ballkan”/ Paralajmërimi: Edi Rama ‘thikë’ pas shpine Kosovës

Politika

“Rrezik për stabilitetin dhe paqen në Ballkan”/ Paralajmërimi: Edi Rama ‘thikë’ pas shpine Kosovës

Nga: P.R Më: 25 korrik 2021 Në ora: 19:50
Albin Kurti dhe Edi Rama

Kryeministri i Shqipërisë, Edi Rama, homologu i tij nga Maqedonia e Veriut Zoran Zaev dhe presidenti Serbisë, Aleksandar Vuçiq kanë zhvilluar një takimi virtual për të avancuar me projektin e “Mini-shengeni” ballkanik.

Ndërkohe Kosova edhe njëherë e ka refuzuar një gjë të tillë. Madje sipas Ministres së Jashtme të Kosovës dhe Zëvendëskryeministres, Donika Gërvalla, “Mini-shengeni” mund të jetë i rrezikshëm për stabilitetin dhe paqen në Ballkan

“E quajnë ‘mini-shengen’ dhe na thonë vazhdimisht që ky nuk është në kundërshtim me rrugëtimin drejt BE-së. Por kjo nuk është e vërtetë. Na thonë që i shërben bashkëpunimit rajonal. As kjo, nuk është e vërtetë. Ky proces mund të jetë shumë i rrezikshëm për stabilitetin dhe paqen në Ballkan”, ka deklaruar Gërvalla.

Por pse kryeministri shqiptar, Edi Rama e përkrah me kaq ngulm një projekt, të cilin e ka refuzuar Kosova dhe e mbështet Serbia?

Lidhur me këtë, për gazetën “Bota sot” ka folur analisti dhe njohësi i zhvillimeve politike në vend, Gani Qarri.

“Mjerisht për ironinë e fatit të shqiptarëve dhe fatkeqësinë e shtetit të brishtë të Kosovës, kryeministri aktual i Shqipërisë, Edi Rama, homologu i tij nga Maqedonia e Veriut Zoran Zaev dhe presidenti Serbisë, ish ministri i informatave të Millosheviqit, zëvendësi i Vojisllav Sheshelit dhe i dyshuari për pjesëmarrje në organizimin dhe realizimin e gjenocidit gjatë viteve të luftës kundër shqiptarëve të pambrojtur në Kosovë, mijëra trupa të të cilëve, ai ende i mbanë peng në Serbi, krimineli Aleksandër Vuçiq, vetëm këta tre, pa pjesëmarrjen e Kosovës, Malit të Zi, as Bosnjë Hercegovinës, paraditen e së enjtes e nisën edhe një video-konferencë, gjoja për të avancuar projektin e “Mini-Schengenit” ballkanik, të cilin që nga fillimi, me të drejtë, e ka kundërshtuar dhe hedhur poshtë Kosova, si rrezik i radhës, nga Serbia për vendin tonë”, thotë Qarri.

Image
Gani Qarri

Sipas tij, Edi Rama vazhdon të punojë kundër interesave të Kosovës, dhe në dobi të atyre serbe.

“Madje, duke parë sjelljet e hapura anakronike, anti-Kosovë të shërbëtorit më besnik dhe dorës së zgjatur të Aleksandër Vuçiqit ndër shqiptar, Edi Ramës, i cili për ironinë historike të shqiptarëve, vijon me shumë zell, të punojë në mënyrë të pareshtur për Serbinë dhe dobësimin e shtetit të Kosovës, buzëqeshjet meskine të të cilit Vuçiq i keqpërdor për ti bërë edhe më të fuqishme, kërcënimet e tij, ndaj vendit tonë, sikur Edi Rama të mos ishte, jo vetëm kryeministër i shtetit amë, por fare, as shqiptar, Qeveria e Kosovës duhet të veprojë me kujdes dhe ndërmarrë urgjentisht të gjithë hapat e nevojshëm adekuat konform zhvillimeve në rajon”, shprehet analisti Qarri për “Bota sot”.

Ai shton se Kosova duhet të punojë me vendet e mëdha mike, në mënyrë që të largohet rreziku serb.

“Republika e Kosovës, në këtë kontest, duhet të bëjë çmos, për ta forcuar edhe më tepër pozitën e vet negociuese dhe siguruar mbështetje sa më të fuqishme nga vendet e mëdha mike ndërkombëtare, si SHBA, Gjermania, Mbretëria e Bashkuar dhe cilido vend a shtet tjetër, që tregon interesim për ta ndihmuar Kosovën, në mënyrë që përfundimisht ti mënjanoi rreziqet nga ndarja e gllabërimi serb, i territorit të vendit tonë, akt për realizimin e të cilit, lufton pareshtur edhe sharlatani Edi Rama, në mënyrë që ti realizojë sa më parë objektivat e veta, drejt integrimeve euro-atlantike, që janë jetike për Kosovën dhe të gjithë shqiptarët”, deklaron Qarri.

Me tej, Qarri thotë se Edi Rama po i jep ‘thikë’ pas shpine shtetit të Kosovës.

“Edi Rama në vend se ta ndihmojë Kosovën për çuarjen e dialogut me Serbinë përpara dhe eliminimin e problemeve që vazhdojnë të rëndojnë jetën e përditshme të qytetarëve të Kosovës, dhe njëjtë si Vuçiqi për serbët, të punojë edhe Rama për bashkimin e shqiptarëve, ai bie copë duke "luftuar" për jetësimin e projekteve serbomëdha të propozuara nga Vuçiqi, duke i dhënë pabesisht edhe një thikë të rëndë pas shpine shtetit të Kosovës, kur dihet publikisht, nga të gjithë, se Kosova e ka refuzuar me këmbëngulje utopinë e Ramës dhe modelin fantom të mini-jugosllavisë së Vuçiqit, të kamufluar si "Mini Shengen", pasi që edhe vet Vuçiqi e di, se ky projekt fantom nuk ka të bëj fare me "mini-shengen" dhe nuk përmban brenda vetes, përveç interesave serbe, për ringjalljen e Serbisë së madhe, asgjë evropiane”, thekson Qarri.

Për fund, Qarri shprehet se Kosova me të drejtë ka refuzuar “Mini-shengenin”.

“Për aq më tepër, përderisa dihet mirëfilli se përkundër situatës së vështirë ekonomike, Kosova arriti të bëhej anëtare e CEFTA-s, që edhe është produkt i BE-së dhe vlen për të gjitha vendet e Ballkanit, promovimi i mini-jugosllavisë së Vuçiqit, nga Rama, të kamufluar si "mini-shengen", është tërësisht akt i tepruar, pasi që këtë ngrehinë fantome, Kosova me arsye e hedhë poshtë, si rrezik të ri serb, për shtetin e Kosovës. Ndaj edhe nëse tani Zaev, pas Vuçiqit dhe Ramës, paska dalë me idenë që, serish t’ia ndërroi emrin dhe nga “mini-shengen” ta emërtojë si mini-"Ballkan të ri" që të bëjë, sikur thotë edhe ai diçka në këtë zallamahi, përderisa gjysma e shqiptarëve dhe shteti që kufizohet drejtpërsëdrejti me Serbinë fashiste, si Republika e Kosovës nuk e pranojnë as nuk marrin pjesë në "mini-jugosllavinë" e re, të propaganduar me kaq zell nga Edi Rama, nuk e kuptojë, se për çfarë i duhet, ky projekt utopist, kaq shumë Edi Ramës, përveç parave që mund ti ketë marrë “hua” nga Vuçiqi dhe Serbia për blerjen e zgjedhjeve në Shqipëri, ndaj tani e ka bishtin e zënë nga Vuçiqi dhe është i detyruar, medoemos, që t`ia bëjë argatin Serbisë, qoftë edhe duke marrë qëndrim të hapur anti-Kosovë dhe anti-shqiptar, që është për çdo kritikë”, përfundon për gazetën “Bota sot”, analisti politik Gani Qarri.

Shfaq komentet
comments powered by Disqus
Sot mund të lexoni Shfletoni kopertinat