Njohësi i çështjeve politike në vend, Imer Mushkolaj ka thënë për gazetën “Bota sot” se me mos votimin e rezolutës së LDK-së, Thaçi i ka duart e lira për bisedime me Serbinë dhe kjo situatë është e rrezikshme.
“Partitë në pushtet e mbështesin Thaçin, sepse e ka në dorë koalicionin. Nëpërmjet PDK-së ai mund ta rrëzojë qeverinë kur të dojë, andaj partitë në pushtet nuk votojnë rezolutën kundër tij. Tashmë Thaçi i ka duart e lira për bisedime me Serbinë dhe kjo situatë është e rrezikshme. Ai nuk mund të ndalet nga Kuvendi në përpjekjet e tij dhe kjo mund ta sjell vendin në situate mjaft të vështirë, ngase Kosova vazhdon dialogun pa platformë politike dhe më shumë paqartësi”, ka deklaruar Imer Mushkolaj.