Deklaratat luftënxitëse nga presidenti serb, Aleksandër Vuçiq pas formimit të ushtrisë së Kosovës, i ka komentuar për “Bota sot” profesori Binak Maxharraj.
Ai thotë se presidenti serb i ka ditët e numëruara si president i Serbisë pasi që populli serb nuk e do më atë për shkak të disfatave të njëpasnjëshme nga Kosova, sidomos në rastin e taksave. Maxharraj thotë se kjo është një gjë e mirë për Kosovën.
“Aleksandër Vuçiqit, miku i Hashim Thaçit i ka ditët e numëruara, ai së shpejti do te rrëzohet nga pushteti për luftënxitëse ne Ballkan dhe në Kosovë. Por, kjo nuk është arsyeja e vetme. Populli serb nuk e do atë më pasi Kosova çdo ditë e më shumë po hedh hapa para, e madje po e dëmton edhe Serbinë si në rastin me taksën prej 100%. Kjo është një gjë e mirë për ne, mirëpo jo edhe për Hashim Thaçin i cili mund ta humb mikun e tij të pazareve”, është shprehur Maxharraj.
Por, ai thotë se Thaçi nuk do të ketë më mik si Vuçiq që të bëj marrëveshje nëpër “skutat e errëta”
“Unë nuk e di se si po ndihet Thaçi ne këto çaste të vështira për te, sepse, si po duket nuk do ta këtë më Vuçiqin që të takohet me te skutave të errëta për korrigjimin e kufijve të Kosovës. Kushdo që vjen tjetër në vend të Vuçiq, nuk do të ketë miqësinë me Thaçin ashtu si presidenti aktual serb”, ka thënë Maxharraj.