Diellzë Bytyqi emocionon me një shkrim për babain e saj, që ndërroi jetë para pak ditësh. Jusuf Bytyqi ka qenë prej trajnerëve më të mirë të volejbollit në Kosovë dhe që ka dhënë shumë për sportin në përgjithësi, veçmas edhe në kohën e okupimit kur i bëri rezistencë Serbisë shoveniste.
“Muajt dhe vitet mund të vijnë e shkojnë, por kujtimi për ty nuk do të zbehet kurrë. Gjithmonë do ta kujtojmë atë buzëqeshje të veçantë që kishe. Kujtimi yt është dhurata më e bukur prej së cilës nuk do të mund të ndahemi kurrë.
Më mungoooooon shumë, BAB!
Falënderoj Komitetin Olimpik të Kosovës për këtë respekt të jashtëzakonshëm!
Faleminderit Shpend Ahmeti për këtë fotografi të mrekullueshme!”, shkruan vajzat e të ndjerit Jusuf.
