M Technologie e fillon me fitore bindëse mbrojtjen e titullit të kampionit në elitën e volejbollit të Kosovës.
Vashat prishtinase triumfuan me rezultat të thellë 3:0 (25:3, 25:5, 25:8) ndaj Feronikelit nga Drenasi.
Volejbollistet nga Drenasi nuk mundën t’i bëjnë ballë kampiones, dëshmia më e mirë është se për tre sete mblodhën gjithsej 16 pikë.
Kryetrajneri Naser Krasniqi ka përgatitur ekipin jashtëzakonisht mirë dhe me synime që të mbrojnë titullin dhe ta fitojnë Kupën e Kosovës.
Krasniqi është i kënaqur me angazhimin e vashave të tij dhe për tri pikë të lehta në start të kampionatit.
