FVK fiton projekt tejet të rëndësishëm nga Federata Ndërkombëtare e Volejbollit (FIVB)
Federata e Volejbollit të Kosovës (FVK) ka fituar një projekt shumë të rëndësishëm nga FIVB, për përkrahjen e ndërtimit të ekipeve Kombëtare të Kosovës.
Në bazë të projektit në fjalë, FIVB siguron një trajner profesional në ndërtimin dhe zhvillimin e ekipeve zinxhirë të Kombëtares së Kosovës për një vit, me mundësi vazhdimi për dy vitet e ardhshme.
Ky është një lajm jashtëzakonisht i mirë për volejbollin kosovar, derisa prioriteti dhe fokusi i FVK-së gjithmonë ka qenë ngritja e cilësisë, sidomos të grupmoshave të reja.
