Erzeni mposht KV Ferizaj në ndeshjen e parë gjysmëfinale!
Erzeni ka mposhtur Ferizajn në palestrën "Bill Klinton", të shtunën mbrëma, në përballjen e parë gjysmëfinale të Ligës "Gjergj Kastrioti".
Erzeni triumfoi me rezultat 0-3 (21-25, 19-25, 28-30), duke bërë një hap të rëndësishëm drejt finales, para ndeshjes së kthimit.
Ishte një përballje e dominuar nga ekipi nga Shqipëria, pavarësisht se ferizajasit u munduan të shtrëngoheshin dhe të rezistonin në setin e tretë, por eventualisht nuk arritën të shmangin disfatën.
