Gjinoci është kampion i Ligës së Parë të Kosovës, Grupi i Perëndimit.
Volejbollistet e Gjinocit sot shënuan fitore me rezultat 3:1 ndaj Trepçës së Mitrovicës.
Gjinoci është fshat nga qyteti i Therandës, por që jeton me lojën e sportit skofiar.
Drenusha Asllanaj me vajzën e saj
Me rikthimin e pasueses Drenusha Asllanaj, volejbolliste me përvojë, ish reprezentuese e Kosovës, Gjinoci ka treguar lojëra të shkëlqyeshme dhe ishte i pandashëm për rivalet.
Asllanaj ka bërë diferencën pothuajse në çdo ndeshje.
Gjinoci, edhe një ndeshje është larg Superligës së Kosovës.
Ato do të takohen me kampionen e Lindjes dhe në rast të fitores futen në elitën e volejbollit të Kosovës.
“Jemi një ekip me lojtare të reja e të talentuar, të cilat e japin maksimumin në çdo ndeshje.
Jemi afër qëllimit tonë, hyrjes në Superligë.
Besoj se me angazhim dhe lojë të mirë do të arrijmë objektivin, për faktin se Gjinoci edhe e ka vendin në shoqërinë e më të mirëve”, tha Drenusha Asllanaj për gazetën kombëtare “Bota sot”.
