Skënderbeu ka siguruar finalen e madhe të Kupës së Kosovës, pasi të enjten mbrëma u tregua e fortë për G.E Therandën, në ndeshjen gjysmëfinale të zhvilluar në palestrën "Better Life" në Lipjan.
Skënderbeu triumfoi me rezultat 3-1 (25:22, 19:25, 27:25, 28:26), në një ndeshje e cila ishte e baraspeshuar pas dy seteve të parë.
Mirëpo, nikoqirët u desh të luftonin fuqishëm në dy setet pasuese për të arritur fitoren dhe finalen, teksa fituan setet me vetëm dy pikë diferencë.
Skënderbeu në finale do të ndeshet me Pejën, e cila në ndeshjen tjetër gjysmëfinale fitoi kundër Lubotenit.
