Në ditën e pestë të Lojërave Mesdhetare në rërë “Heraklion 2023”, do ta fillojnë aventurën garuese edhe çiftet kosovare.
Nga ora 09:00 sipas kohës sonë (10:00h në Greqi), dyshja Melirona Avdullahu/Yllka Jashari do ta zhvillojë ndeshjen e parë në kuadër të Grupit D, ku i pret ballafaqimi me çiftin grek Matiou/Triantafyllidi.
Së bashku me vashat tona, në Grupin D, janë edhe Qipro e Franca.
Në konkurencën e djemve, Kosovën në Lojërat Mesdhetare e përfaqëson çifti Erion Bajrami/Ermal Maliqi.
Në plazhin Karteros në Heraklion, dyshja kosovare të enjten në orën 09:00 (ora 10:00 në Greqi), do ta ketë ballafaqimin e parë në Grupin D me çiftin francez të vëllezërve Quincy dhe Calvin Aye.
Në grupin D, së bashku me Kosovën në beach volley, garojnë edhe Greqia e Maroku.
FVK u uron suksese e fat, ekipeve tona te djemtë e vajzat, që udhëhiqen nga Fatlum Hajrizi, respektivisht Vildane Jashari.
